Таны мэдээлэл ба нууцлал

Urbana.mn таны мэдээллийн аль хэсгийг олон нийтэд нээлттэй, аль хэсгийг хамгаалттай байлгадгийг доор тайлбарлав.

Олон нийтэд харагдах мэдээлэл

Таны нийтэлсэн зар, байгууллагын олон нийтийн профайл нээлттэй бөгөөд хайлт хийсэн хэн ч үзэх боломжтой. Байгууллагын дотоод мэдээлэл, гишүүдийн жагсаалт зэргийг зөвхөн тухайн байгууллагын гишүүд харна.

Таны утасны дугаар зар дээр

Зар болон төслийн хуудсан дээр зочин «Дугаар харах» товчийг дарж утасны дугаар харна.

• Хувийн хүний зар дээр таны бүртгэлийн утасны дугаар харагдана. Зар оруулах, засах маягтын «Утасны дугаараа зар дээр харуулах» сонголтоор унтрааж болно.
• Агентлагийн зар дээр зарыг хариуцсан агентын утас, эсвэл агентлагийн утас харагдана.
• Төсөл дээр хэрэгжүүлэгчийн оруулсан борлуулалтын утас, эсвэл түүний профайлын утас харагдана.

Urbana дугаар хэдэн удаа харагдсаныг тоолж, нийтлэгчид үзүүлнэ; хэн харснийг хадгалдаггүй.

Хамгаалагдсан мэдээлэл

Таны имэйл хаяг, нууц үг, дансны тохиргоо, харилцан яриа зэрэг хувийн мэдээлэлд зөвхөн та өөрөө хандах эрхтэй. Урбана эдгээрийг гуравдагч этгээдэд зарж борлуулдаггүй.

Дэлгэрэнгүй бодлого

Нууцлалын бодлого, үйлчилгээний нөхцөлийн бүрэн эхийг «Нууцлалын бодлого» болон «Үйлчилгээний нөхцөл» хуудаснаас уншина уу — эдгээр нь ямар мэдээлэл цуглуулдаг, хэрхэн ашигладаг, хадгалдаг тухай дэлгэрэнгүй тайлбарладаг.

Мэдээллээ засах, устгах хүсэлт

1. Нэр, имэйл, утасны дугаараа «Тохиргоо» хуудасны «Профайл» табаас өөрөө шууд засаж болно.
2. Дансаа бүрмөсөн устгахыг хүсвэл «Тохиргоо» хуудасны «Аюулгүй байдал» табын «Данс устгах» хэсгээс «Дансыг бүрмөсөн устгах» товч дарна — баталгаажуулах имэйл очно.
3. Бусад төрлийн өгөгдлийн хүсэлт (жишээ нь тодорхой мэдээллийн хуулбар авах) гаргах бол Тусламж хэсгээр хүсэлт илгээнэ үү.